Wada Karo....

khusboun ki tarha meri har saans main,

Pyar apna basanay ka wada karo.

Rang jitnay tumhari mohabbat k hain,

Meray dil main sajanay ka wada karo.

Hai tumhari wafaon pay mujko yakeen,

Phir bhi dil chahta hai meray dil nasheen.

Yunhi meri tassali ki khatir zara,

Mujko apna bananay ka wada karo.

Mohabbat ka iqrar kartay ho tum,

Dhadkanoon main naya rang bhartay ho tum.

Bada kar chukay ho, magar aaj phir,

Mujh ko apna bananay ka wada karo.

Sirf lafzoon say iqrar hota nahi,I

Ik janib say hi piyar hota nahi.

Main tumhain yaad rakhnay ki khaun kasam,

Tum mujko na bhulanay ka wada karo.