..."Bahar Se Nafrat Thi"...

Bahar se nafrat thi,

Par dil me wo mere basta tha !

Wo pagal sa ek ladka,

Jo dekh ke mujhko hansta tha !!

Kyun thukraya ? mang ko uski,

Soch ke ab pachhtati hu !

Dil ke badle dil manga tha,

sauda kitna sasta tha !!

Kisse puchhu ? kaise puchhu ?

Kyun nahi deta ab dikhayi !

Roz guzarta tha wo idhar se,

Uska yahi rasta tha !!

Dard chhupa kar jeena uski,

bahut purani adat thi !

Bheetar-bheetar rota tha wo,

bahar-bahar hansta tha !!!