DHAAGA PYAAR KAA!

Ab agar tere dil mein bhi pyaar sachcha hai

To pakad ke kheench lo is dhaage ko

Main khud hi khinchi aaungi……..

Yadi chhod diya tune is dhaage ko

Toh main is dhaage mein ulajhkar reh jaungi

Phir tum is dhaage ko suljhana bhi chahoge

To bhi suljha nahi paoge

Kyon ki is dhage ki uljhan mein

Kai naye rishte, kai nayee gaanthey paoge

Karna chahoge pyaar mujhe par kar nahi paoge…..

Karti hoon tumse vaada ke

Meri taraf ke sire mein

Tere liye yehi lipta hua bas pyaar hoga

Tuu chahe vapas aaye ya na aaye

Is dhaage mein meri antim saanso tak

Bas tera pyaar hoga….

P A R…

Ek Sawaal puchhti hoon tujhse

Teri taraf jo sira hai

Kya is par tab bhi mera naam hoga?

Mere liye yeh hi haseen zazbaat,

Pyaar aur baaki bachi zindagi ko

Nibhane ka saath hoga???