Woh sari baatain khuwaab hai

Woh sari baatain khuwaab hai

Aur khuwaab se phir azaab hain

Jab tum ko saba ke jhonke se

Paighaam humara milta tha

Jab meri aik nazar se hi

Chehra yeh tumhara khilta tha

Kuch yaad sa tum ko hai jana

Jab phone ki aadat roz ki thi

Kuch dair jo mujh ko ho jati

Tum ghanton rootha karti thi

Kabhi geeton ki kabhi sheron ki

Tum khuwahish mujh se karti thi

Kabhi pyaar tha meri baton se

Mere chehre se meri aankhon se

Aur jhank ke meri aankhon main

Tum khud ko dhoonda karti thi

aik do din dekh na paao to

Tum bekul bekul rehti thi

Aur ab to aisa aalam hai

Koi chahat hai na ulfat hai

Kia pyaar muhabbat aur wafa

ais zikar se tum ko vehshat hai

Main laakh tassalli khud ko doon

Ke ab bhi teri main khuwahish hoon

Anjaan bazahir lagti ho

Main ab bhi tera mehvar hoon

Par dhoka aakhair dhoka hai

Kab tak dil ko behlaye ga

Do pal ki khushiyan de kar yeh

Mujhe sadiyan lahu rulaye ga

Kyun tum taqdeer se larti ho"safiya"

Kyun khud ko dhoka daiti ho

Khuwaabon ke tukre chun ke ab

Kyun khud ko ghayal karti ho

Yeh baat tumhain maloom to hai

Kab beeti yaadain loti hain

Jo baatain khuwaab si ho jayain

Woh baatain khuwaab hi rehti hain......