Zindegi hai khafa khafa

Ankh hai bhari bhari  aur tum, muskurane ki baat karte ho

Zindegi hai khafa khafa aur tum, dil  lagane ki baat karte ho

Mere halat ase hain ki, main kuch kar nahi sakti

Tadap ta hai ye dil lekin, main ahe bhar nahi sakti

Zakham hai   hara hara aur tum, chot khane ki baat karte ho

Zindegi hai khafa khafa aur tum, dil lagane ki baat karte ho

Kabhi jo khab dekha tao, mili parchaiya mujh ko

Mujhey mehefil ki thi khyaish , mili tanhaiya mujh ko

Har taraf dhua dhua aur tu, asiyane ki baat karte ho

Zindegi hai khafa khafa aur tum, dil lagane ki baat karte ho

Tum Se Minle Ke Baad

Yeh halat hamari hogayi tum se milne ke baad

Zindagi pyaari hogayi hai tum se milne ke baad

Her cheez main ek ajab rang hai Mohabbat ka

Her cheez pyaari hogayi hai tum se milne ke baad

Chaand taaron ko chooliya main ne bhi aaj

Duniya hamari hogayi tum se milne ke baad

Tumhain yaad karke karwate badalte rahay

Raat yun hi saari guzar gayi tum se milne ke baad..

Itanii Shakti Hamen De Na Daataa

Itanii Shakti Hamen De Na Daataa

Manakaa Vishvaas Kamazor Ho Naa

Ham ChaleNek Raaste Pe Hamase

Bhuulakar Bhii Koi Bhuul Ho Naa

Har Taraf Zulm Hai Bebasii Hai

Sahamaa-Sahamaa-Saa Har Aadamii Hai

Paap Kaa Bojh Badhataa Hii Jaaye

Jaane Kaise Ye Dharatii Thamii Hai

Bojh Mamataa Kaa Tu Ye Uthaa Le

Terii Rachanaa Ka Ye Ant Ho Naa

Ham ChaleNek Raaste Pe Hamase

Bhuulakar Bhii Koi Bhuul Ho Naa

Duur Agyaan Ke Ho Andhere

Tu Hamen Gyaan Kii Raushanii De

Har Buraaii Se Bachake Rahen Ham

Jitanii Bhii De, Bhalii Zindagii De

Bair Ho Naa Kisikaa Kisiise

Bhaavanaa Man Men Badale Kii Ho Naa

Ham ChaleNek Raaste Pe Hamase

Bhuulakar Bhii Koi Bhuul Ho Naa

Ham Na Sochen Hamen Kyaa Milaa Hai

Ham Ye Sochen Kiyaa Kyaa Hai Arpan

Phuul Khushiyon Ke Baaten Sabhii Ko

Sabakaa Jiivan Hii Ban Jaaye Madhuban

Apanii Karunaa Ko Jab Tu Bahaa De

Karade Paavan Har Ik Man Kaa Konaa

Ham ChaleNek Raaste Pe Hamase

Bhuulakar Bhii Koi Bhuul Ho Naa

Ham Andhere Men Hain Raushanii De,

Kho Naa De Khud Ko Hii Dush{}Manii Se,

Ham Sazaa Paaye Apane Kiye Kii,

Maut Bhii Ho To Sah Le Khushii Se,

Kal Jo Guzaraa Hai Phirase Naa Guzare,

Aanevaalaa Vo Kal Aisaa Ho Naa

Ham Chale Nek Raaste Pe Hamase,

Bhulakar Bhii Koi Bhuul Ho Naa

Itanii Shakti Hamen De Naa Daataa,

Manakaa Vish{}Vaas Kamazor Ho Naa

Mera Naam Hai Mohabbat

Khoyi Khoyi Si

Dheemi Dheemi Si 

Thori Unkahi 

Thori Si Muskuraati 

Do Dilon Ki Hai Ijazat 

Mera Naam Hai Mohabbat 

  

Bheege Sapney 

Kachi Yaaadein 

Choti Choti Dil Ki Baatein 

Kehti Hai Yeh Zindagi 

Kaisi Hai Deewangi 

Koi Rehta Hai 

Aahaton Ke Sahaarey 

Choolun To Sansanahat 

Mera Naam Hai Mohabbat 

  

Kuch Tehreerein 

Likhte Rehna 

Apne Ghar Mein Chalte Rehna 

Anjaani Baaton Mein Bhi 

Hoti Hai Dil Ki Lagi 

Sookhe Lamhon Mein 

Baarishon Ke Kinaarey 

Honton Pe Hai Shararat 

Mera Naam Hai Mohabbat

~*~ Pagli ~*~

Kise nain mila kar chain mila 

Kaha lakh tujhe kaheen dil na laga 

Ab thandi aheen bhar pagli 

Jaa aur mohabbat kar pagli 

Tu ne pyar k nagmeen chare the 

Par kho gayi gham k raag main tu 

Woh aag na koy dekh saka 

Chup chaap jali jis aag main tu 

Ab aag se daman bhar pagi 

Jaa aur mohabbat kar pagli 

Pagli in pyar ki rahoon main 

Kyun koy kisi ko apnaye 

Is duniya ki hay reet yehi 

Jise pyar karo wohi tukhraye 

Kha thokar par thokar pagli 

Jaa aur mohabbat kar pagli 

Kal dil main basaya tha jis ko 

Wohi chain tera ab loute ga 

Kuch aur hanse gi yeh duniya 

Kuch aur tera dil tuute ga 

Be mout gayi tu mar pagli 

Jaa aur mohabbat kar pagli

Mujhe Yaad Hai…..

Mujhe aaj bhi yaad hai…… 

woh sardiyon ki Shaam

jub usnay mera haath pakra aur meri aankhon mei dekh kar kaha 

"App key haath bohot garam hein, aur ye wafa nibhanay walon ki nishani hai" 

mei bohot khush thi, ki ye bhi bhool gai….. 

----

----

----

----

----

----

----

----

----

ki uss shaam uskay haath kitnay sard they....

Wo Hoga Kuch Aisa

Wo hoga Kuch Aesa, Koi Hoga Na Vaisa

Wo Hoga Rab Jaisa, Ab kya bolu Kaisa

Taarif Me Main Uski kuch Keh Nahi sakta

Koi aur Agar Kah de to Main Sah nahi sakta

Chehre ka Bholapan wo Andaaz se Baahar ho

Baaton ki wo shararat har khyaal se baahar ho

Hotho ka muskurana, Phoolon ka jaise Jhadna

Ho chaal uski aesi, baharo ka jaise badna

Aankho ka Surkpan wo, Baalo ki ki wo ghaataye

Saaban mai ud rahi ho, barsaat ki chataayein

Mujhe dekh muskuraye, Jaise mila hai sab kuch

Mera Paas aese aaye, ki Khud ko bhi bhool jaye

Mera Yakeen hai ye mujhse milegi ek din

Baatain Tamaam dil ki mujhse kahegi ek din

Ab to kuch bhi kahne ko shabd nahi milte

Jab sochta hu usko, Mere Honth Nahi Hilte

Dewana na banana mujhko

Kachi deewar hoon thoker na lagana mujhko

Apni nazron main basa ker na girana mujhko

Tumko ankhon main tassawur ki terhan rakhta hoon

Dil main dherkan ki terhan tum b basana mujhko 

Baat kerney main Jo mushkil ho tumhain mehfil main

Main samajh jaoonga nazron sey batana mujhko

Acha hai wadah itna hi karo jitna nibha saktey ho

Khuwab poora Jo na ho who na dikhana mujhko

Apney rishtey ki nazakat ka bharam rakh Lena

Main to ishq hoon deewana na banana mujhko

Zindgi Ke Kisi Mod Par

Zindagi ke kisi mor par khud ko tanha na samjhna

Main tere saath hun apne se juda na samjhna

Main tujhse jaan se badh kar pyar karta hun

Meri is mohabbat ko burra na samjhna

Tum phulon ki tarah khubsoorat ho,masoom ho

Dekho meri is tareef ko bejaan na samjhna

Umar bhar tera saath dene ka wadha kiya hai

Zindagi ne agar sath na diya to bewafa na samjhna

Ab bhi tu ne mere pyar ko thukraya sanam

Isse mera muqaddar jaan lena,apni khata na samjhna

Agar Ham Dost Hotey To....

Agar Ham Dost Hotey

To Karam Ki Inteha Kartey 

Tumhen Palkon Pey Rakhtey Ham 

Tumhen Dil Men Basatey Ham 

Agar Tum Rooth Jaatey To 

Tumhen Kitna Manatey Ham 

Jo Milney Tum Nahi Aatey 

To Aa kar Khud Tumhen Miltey 

Tumhari Laghzishon Ko Bhi 

Hansi Main Ham Ura Detey 

Agar Apni Khata Hoti 

To Khud Ko Bhi Saza Detey 

Magar Ye Sab Jabhi Hota 

Agar Ham Dost Hotey To 

Magar Itna Hi Jana Hey 

K Tum Ney Aaj Tak Ham Ko 

Paraya Keh Kar Jana Hey 

Kabhi Hamdam Naa Mana Hey 

Agar Ham Dost Hotey To....

Kisi Ko Bhi Malom Nahi

Hay zindagi ki kitab main kia,kisi ko bhi malom nahi

hay eshq kay aglay mor pe kia,kisi ko bhi malom nahi

khuahish tu sabhi kertay hian,chahat tu sabhi ko hoti hay

hay kiskay mukader main likha kia,kisi ko bhi malom nahi

umeed k saharay sab koshish tu bohat krtay hian

kia ho hasil is mahnat say?kisi ko bhi malom nahi

daykhay hain hath bohat,uthtay hain mangtay hain dua

duaon main aser ho k na ho?kisi ko bhi malom nahi

labon pe muskurahat tu hoti ha,baton main shararat shamil bhi

kitna weran ho dil ka saman?kisi ko bhi malom nahi

hay anjam-e-muhabat kia,kisi ko bhi malom nahi

hay qerb-e-judai ki had kahan,kisi ko bhi malom nahi

Tera Dard

Jab tera dard mairay dard say wafa karta hay

EK samundar mairi aankhon say baha karta hay

Uski batian mujhay khushbuu ki tarah lagti hien

Phool jaisay koii sehra may khila karta haaaay

Mairay dost ki sirf yehi pehchaan kafi hay

WO har shanks ko danistaa khafa rakhta hay

Aur tou koii sabab uski mohabbat kaa nahi

Baat itni si hay kay wo mujh say jafa karta hay

JAb khizaan aaye tou lot aaye ga wo bhi

WO baharoon may zara kam hi milaa karta hay

Suno ay chand say sathi......

Suno ay chand say sathi......

abhi tum keh rahay thay na.......

tumhain mujh say mohabbat ho nahin sakti........

chalo maana k yeh sach hai......

magar ay chand say sathi mujhay itna batao tum........

k jab mausam badaltay hain....

gulon main rang bhartay hain.........

to phir kiyu'n muztarib ho ker.......

akelay pan say ghabra kr........

hawa ko raz detay ho......

mujhay aawaz detay ho.......

suno ay chand say sathi.....

tumharay samnay koi mera jab naam leta hai.......

to phir kiun chonk jatay ho..........

chalo maana tumhain mujh say mohabbat ho nahin sakti......

magar itna samajh lo tum....

jahan chahat chhupa'o gay.....

wahan nafrat k honay ka koi imkaan nahin hota......

mera daawa hai......

chahat main jahan nafrat nahin hoti.......

wahan aksar yeh dekha hai.....

agar kuch waqt kat jaye....

samay ki dhool cHhat jaye....

to wehshat bhaag jati hai.....

Mohabbat jaag jati hai !!!!

MERI KISMAT

Hansi dekh k meri sab mehfil main muskura diye 

Tumne pad liye shayad gham jo mere paas aa gaye 

Baahon main bhar k poochha jab tumne 

Kucch na bole hum bas muskura diye

Jaana tha aaj tumhe humse door hamesha k liye 

Jaate jaate tere chehre se ashq chura liye 

Saj k beithi thi tu apne mehboob k aagosh main 

Saare armaan apne ishq kii aag main jala diye

Kucch na socha kabhi maine kucch na chaha tha tere siwa 

Keh na paaya dil kii baat shayad thi ye meri khata 

Kaash main iqraar kar deta apni mohabbat ka 

Toh anjaam e- Ishq main na milti ye sazaa

Jaana hai kal subah tumhe sab naato ko tod kar 

Is baat ne mere ashq thay baha diye 

Dekhi thi maine shikan tere chehre par bhi 

Mere aasuon ne sitam tujhpe dha diye

Tune poochha jab hale dil de k apni kasam 

Raaz sare is dil k thay tujhe bata diye 

palkein bheegi huyi lab khamosh thay 

teri khamoshi ne mujhe saare jawab diye

saj chuki thi par doli teri 

hum dono ne apne gham chhupa liye 

sab roye thay teri vidaayi main 

dekha jab tune mujhe toh hum muskura diye.

Yaad Jab Aayi Teri

yaad jab aayi, teri aayi aur raha kuch bhi nahi ...

dil ne bas aah bhari aur kaha kuch bhi nahi ...

waqt ki tarah ye sansein bhi rawaan hain ab tak ...

ik bas ashk thamey aur ruka kuch bhi nahi ...

haath se haath chooda kar gaya jab se tu ..

maine uss waqt se in haathon se chhua kuch bhi nahi ...

kaash tu mujhse keh de achank aa kar,,

ke tere baad mere jiwan mein bacha kuch bhi nahi

Teri yaad mein

Teri yaad mein jeetey jeetey aik zamana beet gaya 

Hum ko apney app se bichrey zamana beet gaya 

Pani ke pardey par tumne naam wafa ka likha tha 

Pani ki lehroon ko taktey aik zamana beet gaya 

Ankhoon mein kuch khwab basa kar humne jeena chaha 

Ankhoon mein khwaboon ko sulagtey aik zamana beet gaya 

Jatey jatey phir milney ki aas na detey acha tha 

Phir milney ki aas mein jaltey jaltey aik zamana beet gaya 

Kon suney faryaad kissi ki kon kissi ka dard sahe 

Apne app se batein kartey aik zamana beet gaya!!

Tum yaad mujh ko kar laina .....................

Ankh main jub aansu ho

Dil bhi jab bher aey

Un udaas lamhoon main

Ghum ko bhulanay ko

Tum yaad mujh ko ker laina

Tussavroon ki wadi main

Kuhsnuma say rungoon main

Ik phool ki kami jab ho

Ah jab nikal jaey

Tum yaad mujh ko kar laina

Barishoon kay mosum main

Rim jhim barestay sawan main

Thunduk ka lims choo ker jab

Aag si laga day to

Rooh serab kernay ko

Tum yaad mujh ko ker laina

Agar tum aisa na chaho to

Ah nikul janay ko

Rooh ki seerabi ko

Bayrung si nigahoon ko

Ik faraeb jan ker

Bus yuhi jhatuk daena

Aur yeh bhi na ker sako tum

To is bayyaqeeni ko

Yaqeen main badalnay ko

Raz-e-dil panay ko

Tum yaad mujh ko kar laina  

~*Yeh khat nahi hai ye dil mera*~

Yeh khat nahi hai ye dil mera

Biin khole hii padh lena

Yeh khat nahi hai ye dil mera

Biin khole hii padh lena

Is dil ki aarzu e hai kitni 

Ho sake to puri kar dena

Yeh khat nahi hai ye dil mera

Biin khole hii padh lena

Ye waqt nahi ashak bahane ka

May aaun to bahon me ro lena

Yeh khat nahi hai ye dil mera

Biin khole hii padh lena

Khafa mat hona tum kabhi

Ho shikwa agar to keh dena

Yeh khat nahi hai ye dil mera

Biin khole hii padh lena

Chand lamhe hai ab judai ke

Sah raha hun may tum reh lena

Yeh khat nahi hai ye dil mera

Biin khole hii padh lena

Ab yaadon ka sahara kafi nahi 

Samaj raha hun tumbhi samjha lena

Yeh khat nahi hai ye dil mera

Biiin khole hii padh lena

Gile honge tumhe mujhse bahot

May aajaun to jii bahrke ladh lena

Yeh khat nahi hai ye dil mera,

Biin khole hii padh lena

Jaan chuke ho mere ahsas

To apna bhi haal bata dena

Gar isse chote pahunchi ho 

Is namurad ko phad dena

Yeh khat nahi hai ye dil mera,

Biin khole hii padh lena