Sab kuch hai pass hamare

Sab kuch hai pass hamare

Fir bhi kuch intezaar aaj bhi hai

Dekh chuke hain sabkuch magar

tere didaar ka intezaar aaj bhi hai

Tanhaai nahi par akelepan ka ehsaas sa kyoun hai

Har muskuraahat me gam ka ehsaas sa kyoun hai

milke baaten karne ki tamanna bahot thi

Halak me atakti hui si wo baat ruki aaj bhi hai

Socha tha jab milenge raah chalte kabhi

dil ki baaten juban par na aane denge

hamne lab khole bhi nahi aur wo sab jaan gaye

khaamoshiyon ko samazne ki wo adaa unme aaj bhi hai..