Poem

Dil Mera Jalaane ki Zaroorat kya Thi

2009-11-30T20:27:00.001-08:00

Yoon hum ko sataane ki zaroorat kya thi,

Dil mera jalaane ki zaroorat kya thi.

Jo nahi tha ishq to keh diya hota,

Dil tod ke jaane ki zaroorat kya thi.

Maloom tha gar yeh khwaab toot jayenge,

Neend mein aa kar uthaane ki zaroorat kya thi.

Maan loo gar yeh yak tarfa mohabbat thi,

Mujh ko dekh kar muskuraane ki zaroorat kya thi

Na Main Heer, Na Tu Hai Ranjha

2009-11-29T20:30:00.000-08:00

Na Main Heer, Na Tu Hai Raanjha

Pyar Me Dard Magar Hai Sehna

Mile Jo Ranjha Ban Kar Mujhe Tum

Husn Mera, Ho Gaya Kaatil Tera

Pyar Se, Bahut Chaao Se Tum Kehte

Meri Heer Tu Meri Raato Ka Taara Hai

Koyal Jaisi Meethi Hai Aawaaz Teri

Kaano Me Ghol Di ho Jaise Misri Ki Dali

Meri Zulfo Ko Chhu Jaate Tere Lab

Bhar Ke Aankho Me Ajeeb Si Shararat

Chal Pade Hum Anjaan Safar Par

Kabhi Socha Na Anjaam Humne

Mohabbat Se Laga Jo Dar Thaa

Khabar Hui Mujhe Aur Zamaane Ko

Piya Maine Zeher Ka Pyaala Pyaar Me

Mehndi Ka Rang Hua Laal Khoon Se

Siya Tune Zakhmo Ko Kaanto Se

Machal Uthi, Tadap Uthi Dharti Fir Se

Heer Raanjha Ki Daastaan Se

Ohna Sade Pathar Wi Jadho Mareya

2009-11-28T21:05:00.001-08:00

Ohna sade pathar wi jadho mareya asi saamb leya,

Sada ditta phool wi o pairan heth rolde rahe,

Asi ohna de bola nu saugat samjh k poojde rahe,

Oh har saugat sadi nu bas chand sikeya naal tolde rahe,

Sadeya si ohna sanu har gusse gile mitaun layi,

Par kujh aisa hoya asi sunde rahe o bolde rahe,

Asi har ik she ohna di nu rabb warga poojde rahe,

Oh har ek she jo sadi c... usnu pairan hetha rolde rahe.

Pehla sade dil ni ohna tukre tukre kar sutteya,

Fer tutte hoye tukreya nu o poteya naal firolde rahe

Mujhe Aaj Bhi Kissi ka Intezar Hai

2009-11-26T21:09:00.000-08:00

Mujhe aaj bhi Kissi Ka Intezar Hai

Ek aise Shaqs ka jisko Mujhse Pyar hai

Lak dilasa de luu iss dil ko

Magar yeh dil uske liye bekrar hai

Per ek khyal dil ko chu jata hai

Kya wo mera khyal hai ya

wo mera sawal hai

kasam hai mujhe aaj bhi

Ussey Sacha pyar hai

Kya uss ko bhi mera Itna hee intezar hai

jitna mujhse uspe aitbaar hai

Uski khamoshi ab mujhe maar deti hai

Dil bolta hai mujhse , key to aaj bhi wohi sawal hai

Jis ka mujhe aaj bhi intezar hai

Woh Milta Tha Roz Hanste Hoe Hum Se

2009-11-25T20:35:00.001-08:00

Woh Milta tha Roz hanste hoe hum se

Dil-e-Aarzoo ko Chupa kar hum se

Barso Se Bunta Tha Sapno Ko Palkoon Pe

Par Kahayalo Mein Khe Jata, Hum Se

OOs ki Hichkichaahat the Rokaawat

Par Itebaar Buland The Hum Se

Dil-shaad kar gai uski mahabbat mujhko

Raha Nahi gaya kuch bole bagir humse

Nigaho mein basa Liya us farishta Ko

Aur Keh deya, jo tawaqqo the uski, humse

Aaj Jaane Kii Zid Na Karo

2009-11-24T20:23:00.001-08:00

aaj jaane kii zid na karo

yuu.N hii pahaluu me.n baiThe raho

haaye mar jaaye.nge ham to luT jaaye.nge

aisii baate.n kiyaa na karo

tum hii socho zaraa kyuu.N na roke tumhe.n

jaan jaatii hai jab uThake jaate ho tum

tum ko apanii qasam jaan-e-jaa.N

baat itanii merii maan lo

vaqt kii qaid me.n zindagii hai magar

chand gha.Diyaa.N yahii hai.n jo aazaad hai

in ko kho kar abhii jaan-e-jaa.N

umr bhar na tarasate raho

kitanaa maasuum-o-rangiin hai ye samaa

husn aur ishq kii aaj meraaj hai

kal ki kis ko Khabar jaan-e-jaa.N

rok lo aaj kii raat ko

Sardiyon Ki Raat

2009-11-23T20:21:00.001-08:00

Sardiyon Ki Raat

Aaj phir dil udaas hai,

Aaj phir dil bekrar hai,

Aaj phir wohi sardiyon ki raat hai,

Kal phir ek dost,

Ek humdum,

Ek humraj,

Chala jayega dur jindagi ki rah me,

Apne humsafar ko sath lekar

Kuch naye sapne lekar,

Kuch nayee Aashaye lekar,

Kuch naye dost banane,

Kuch nayee manjile pane,

Kuch nayee dard batne,

Kuch nayee khuishyan bikherne..

Jaao dost,

ek naya jahan abad karo

Jab kabhi Aaye hamari yad ,

Jab kabhi pade hamari jarurat,

Jab kabhi milne ko dil karen,

Dena ek Aavaj, paaoge hamen

vahin karib,

Kahin bahut hee karib,

Apne dil ke pas

Woh..........

2009-11-22T20:34:00.001-08:00

Har roz dekhti hu tumhe naino ke jharokhon se,

Har roz iss dil ko tum naye hi nazar aate ho..

Kya bat hai tere husn mein samjhaye koi mujhe,

Kyu har baar aur bekarar mujhe kar jaate ho..

Kehna chahte hai kitni batein tumse dil ki apne,

Par tum toh nigahen milane se bhi katrate ho..

Dekha hai tumhe chupke chupke mujhe dekhte hue,

Phir pas aane se mere kyu ghabraate ho..

Aise na karo, izhaar-e-dil mushkil hua jaata hai,

Kyu dil ki mere uljhano ko tum badhate ho..

Jo baat tere dil mein hai, wahi hai bat idhar bhi,

Keh bhi do usse, kyu dil ko itna tadpate ho..

Lab khamosh hain khamosh sahi, parwah kisko hai,

Nigahon se kaho kab mujhe haal-e-dil sunate ho..

Chalo Ek Baar Phir Say Ajnabi ho Ja'ain hum dono

2009-11-21T20:40:00.000-08:00

Chalo ek baar phir say ajnabi ho ja'ain hum dono

na main tum say koi umeed rakhoon dil nawazi kee

na tum meri taraf daikho ghalat andaaz nazron say

na meray dil kee dharkan larkharaey meri baaton say

na zaahir ho tumhari kash-ma-kash ka raaz nazron say

tumhain jo koi uljhan roktii hai paish qadmi say

mujhey bhi log kehtay hain kay yeh jalway paraey hain

meray humrah bhi ruswa'eeyan hain meray maazi kee

tumharay saath bhi guzree hu'ee raaton kay sa'ay hain

ta'aruff rog ho ja'ay tau usska bhoolna behtar

ta'alluq bojh bun ja'ay tau usska torna acha

woh afsaana jissay anjaam tak lana na ho mumkin

ussay ek khoobsoorat mor day kar chorna acha

chalo ek baar phir say ajnabi ho ja'ain hum dono..

Chiraag kisii ne jalaa diyaa

2009-11-20T20:26:00.001-08:00

ChiraaG kisii ne jalaa diyaa

pas-e-marg mere mazaar par jo chiraaG kisii ne jalaa diyaa

use aah daaman-e-baad ne sare shaam hii se bujhaa diyaa

mujhe dafn karanaa tuu jis gha.Dii to ye us se kahanaa ki ai parii

vo jo teraa aashiq-e-zaar thaa tah-e-Khaak use dabaa diyaa

dam-e-Gusl se mere peshtar use ham_damo.n ne ye soch kar

kahii.n jaave us kaa na dil dahal merii laash par se haTaa diyaa

merii aa.Nkh jhapakii thii ek pal mere dil ne chaahaa ki uTh ke chal

dil-e-beqaraar ne o miyaa.N vahii.n chuTakii leke jagaa diyaa

zaraa un kii shoKhii to dekhiye liye zulf-e-Kham_shudaa haath me.n

mere piichhe aaye dabe-dabe mujhe saa.Np kah ke Daraa diyaa

mai.n ne dil diyaa mai.n ne jaa.N dii magar aah! tuune na qadr kii

kisii baat ko jo kahaa kabhii use chuTakiyo.n me.n u.Daa diyaa

Ashk Girte hain to

2009-11-19T20:19:00.000-08:00

Ashk Girte hain to

Ashk Girte hain to har sans PIGAL jati hai

De k ek Dard Neya har Sham DHAL jati hai

Tujh ko seene se laga kar mile jannat ka Sakun

Tujh se Bicharun …

Totti sans bhi Kuch dair SANBHAL jati hai

Zakham bharta hi nahi teri JUDAI ka magar

Phir teri YAAD Naya Dard UGAL jati hai.

kisi ki Ankh Say Sapnay Chura kar kuch Nahin Milta

2009-11-18T20:33:00.000-08:00

Raston ki Marzi hai

Be-Zameen Logon ko

Be-Qarar ankhon ko

Bad-Naseeb Qadmon ko

Jis Taraf bhi le jaye

Be-Nishan Jazeeron per

Bad-Gumaan Shehron mai

Be-Zuban Musafir ko

Jis taraf bhi Bhatka dain

Raston ki Marzi hai

Rok dain ya barhne dain

Thaam lain ya Girne dain

Wasal ki Lakeeron ko

Tor dain ya Milne dain

Raston ki Marzi hai

Ajnabi koi la ker Humsafar bana dain

Saath chalne walon ki Raakh bhi ura dalain

Ya Musaftain sari Khaak mai mila dain

Raston ki Marzi hai.........

Wo Anjuman Mai Raat Bari Shaan Se Gaye

Wo Anjuman mai Raat Bari Shaan se gaye

Imaan cheez kya thi kayi to Jaan se gaye

Mai to Chhupa hua tha Hazaaron Naqaab mai

Lekin akele dekh ke Pehchaan se gaye

Wo Shamaa ban ke Khud hi akele jala kiye

Parwaane Lal ki Raat Pareshaan se gaye

Aaya Tera Salam na aaya hai Khat koi

Hum Aakhrii Safar ke bhi Samaan se gaye

RAHI` jinhein Khudaa bhi na samajha saka kabhi

Bethe Bithaaye dekh lo ab Maan se gaye

Kuch Nahin Milta

kisi ki ankh say sapnay chura kar kuch nahin milta

munderoon say charagh bugha kar kuch nahin milta

hamari soch ki parvaz ko rokay na koi

naye iflak pay pehray bitha kar kuch nahin milta

koi ik adh sapna ho tu phir acha bhi lagta hay

hazaroom khawab aankhoon mein saja kar kuch nahin milta

sukoon un ko nahin milta kabhi pardes ga kar bhi

jinheen apnay watan say dil laga kar kuch nahin milta

usay kehna kay palkon par na tankay khwab ki jhalar

samandar kay kinaray ghar bana kar kuch nahin milta

Is Tarah

Na dekha karo tum humein, teerchhi nazaron se is tarah

ke jaan jaati hai jism se, neend aankhon se jis tarah

Aaankhein hai ye tumhari, ya shab e maikhana

main hosh jo kho doon, mujhe hosh mein na lana

Dekha jo tumne pyar se, wafa ka izhaar hua

paya jo tumhein zindgi mein, mohabbat ka ikraar hua

Khoya jo tumhein, ik aah nikli is dil se

dil ko jala gayi, ik bijli is dil se

Ab na aao khwaabon mein tum, kahin neend se na jagoon

main zinda hi kab tha, kahin maut se na jagoon.....! !

Phir na dena sada humko

phir na loat k aaiengey hum

phir na kehna bewfa humko

ye aur baat hey k ek baar nahi so baar

so bar nahi bar bar

tera naam lene se milti hey shafa humko

phir na dena sada humko

phir na loat k aaiengey hum

yeh waqt bhi bara zalim hey

na iss ke paas

dil hey

na aankh

na aansoo

na ehsaas

iss toofan main bikhar jaiengey hum

phir na sametna humko

phir na dena sada humko

Hum apna se ziyda

Hum apna se ziyda logo sai piyaar kartee hai

phir kyon wohi log hamare piyaar ko thokra jate hai

jinhey hum apna dil mein rakhna chahte hai

wohi kyon auro ki khatir humhra dil tor jate hai

jab matlab hota hai

phir hi kyon "tariq" ko saab yaad kya kartee hai

jab apna waqt nikal jata hai

wohi log kyon beegane ban jate hai

hum apney se ziyda es duniya kai logo per barosa kartee hai

phir kyon duniya wale mera barosa tor jate hai

"Tariq" to Ulfat main apna sab kuch lotta deta hai

Par kyon log "tariq" ki ulfat ko samjh nehi pate hai

Usey Kehna

Bikhar rahi hia Meri Zaat Usey Kehna

Kabi mile to yeh Baat Usey Kehna

Wo saath tha to Zamana tha Hamsafar Mera

Magar ab koi nahi Mere saath Usey Kehna

Usey Kehna k bin uske Din nahi kat`ta

Sisak Sisak k Kati hai Raat Usey Kehna

Usey Pukaroon k Khood hi ponch jaoon us k paas

Nahi Rahi wo Halat Usey Kehna

Agar wo phir b na lautey to Ae Qaasid!

Hamari Zeest k Halaat Usey Kehna

Her Jeet uske Naam kar raha hoon Mai

Mai maanta hoon apni Haar Usey Kehna

Jab sawan

Jab sawan may tanha bhego gay,

Jab aangan khali pao gay,

Jab sahil say takrati lehro may,

Apni tanhai may kho jao gay,

Jab raat k tanha daman may,

Tum chand ko aadha pao gay,

Jab khud sa batien kartay kartay,

Tum door kahin kho jao gay,

Jab dil ki baat chupany ko,

Hum say nazar tum churao gay,

Main tum say mohabbat karta hon,

Her bar ye sunna chaho gay,

In sab lamhon may jan lena k,

"Tum" tum nai, "Hum" banjao gay...

ashiq

JAB SE MUJHKO PYAR HUA H SAB APNA SA LAGTA H------2

PANAAH NAHI DETI THI CHAON,

DHOOP JALATI THI MUJHKO ,

AB TO SURAJ BHI MUJHKO

SATHI APNA SA LAGTA HAI;

JAB SE MUJHKO PYAR HUA H SAB APNA SA LAGTA H------2

DARD SE THA AB-TAK ANJANA,

JASBAAT SAMAJH NAHI PATA THA;

GAHM KISI KA ZAKHM KISI KA,

DARD APNA SA LAGTA H;

JAB SE MUJHKO PYAR HUA H SAB APNA SA LAGTA H------2

PASS NAHI WO SAATH H MERE,

ZINDA JALTE DEKHA H;

DABI H LAASH IS DIL KE ANDAR;

DIL TAJ-MAHAL SA LAGTA J.

JAB SE MUJHKO PYAR HUA H SAB APNA SA LAGTA H------2

Tu mera Hai

Ta `abeer main tu too meray paas nahin

Khawaboon main tu too mera hai

Mere rahoon main andhera he sahi

Mere sochon main tu sawaira hai

Youn tu lakhon chehray hain es duniya main

mMere ankhon main sirf tera chehra hai

Kya haseen tuhf diya yadon ka

kay mere tahreer main bhi ab tu rang tera hai

Hina daiti hai dua tu jahan rahe shaa-o-abad rahe

Mere ye sooch he kai hai kay tu mera hai

Na Janay Aankho Say kaya Pilati Ho Tum

2009-11-17T20:49:00.000-08:00

BADAL

mere dil pay badal ki tarha chha jati ho tum

kiyon har waqt itna yaad aati ho tum

har pal meri muntzir rehti ho tum

milnay par kiyon nazrain churati ho tum

tere dil main rehta hoon dharkan ban kay

kiyon haal-e-dil mujh say chhipati ho tum

janmo jiski talaash thee wo manzil ho tum

milkar kiyon mujh say door jati ho tum

na janay kaisa jadu hai teri khamoshi main

chup rehkay bhee sab kush keh jati ho tum

mera dil kisi mandir say kam nahi hota

jis waqt mere dil main sama jati ho tum

meri madhoshi ka aalam mat puccho

na janay aankho say kaya pilati ho tum

Ye To Moti Hain Mere Pyaar ko Sajaane K liye

2009-11-16T21:22:00.001-08:00

Main nahi khud k liye

Main nahi khud k liye, Hoon main zamane k liye

Khud ko zakhm de de kar AurOn ko hansane k liye

humne kya kya na kiya tere chalay jaane k baad

tujhe hi yaad kiya tujh ko bhulaane k liye

ye khiza, ye andhere, ye veerana sa safar

hum to nikle thay, kahin Or hi jaane k liye

Aaina dekh k hairaan sa ho jaata hoon

khud ko hi bhool gaya aap ko paane k liye

U rakeebOn se hans hans k Q milte ho Asim

teri berukhi hi bahut thi, dil ko jalaane k liye

ye jo chalakta hai aankhOn se, Issay paani na kaho

ye to moti hain mere pyaar ko sajaane k liye

Tera Hone Laga Hu

2009-11-15T21:17:00.000-08:00

Shining in the shade in sun like a pearl up on the ocean

Come and feel me

Haan Feel me

Shining in the shade in sun like a pearl up on the ocean

Come and heal me

Comon Heal me

Hua Jo tu bhi mera Mera

Tera Jo ikrarr hua

To kyun na mein bhi

Keh dun keh dun

Hua mujhe bhi Pyaar hua

Tera hone laga hu

Khone Laga hu

Jab se mila hu

Tera hone laga hu

Khone Laga hu

Jab se mila hu

Shining in the shade in sun like a pearl up on the ocean

Come and feel me

O Heal me

umm waise to maan mera

Phele bhi raaton mein

Aksar hi chahat ke haan

Sapne Sanjota tha

Phele bhi dhadkan yeh

Dhun koi gaati thi

Par abb jo hota hai woh

Phele na hota tha

Hua hai Tujhe jo bhi jo bhi

Mujhe bhi is paar hua

To kyun na main bhi keh doon keh doon

hua mujhe bhi pyaar hua

Tera hone laga hu

Khone Laga hu

Jab se mila hu

Tera hone laga hu

Khone Laga hu

Jab se mila hu

Shining in the shade in sun like a pearl up on the ocean

Come and feel me

Haan Feel me

Thinking abt the love we make and all Life sharing

Come and feel me

HO Heal me

Mujhey Aaj Bhi Kisi Ka Intezar Ha

2009-11-14T20:59:00.001-08:00

Mujhey Aaj Bhi Kisi Ka Intezar Hai ..

Ek Aise Shaks ka Jis Ko Mujh Se Pyar Hai

Lakh Dilasa de Luun Is Dil KO ..........

Magar ye dil us ke liye bekarar hai

Par Ek Khayaal Dil Ko chu Jata Hai.........

Kya Woh Mera Khayal Hai Ya Fir Woh Ek Sawal Hai

Kasam Hai us ke Mujhe Aaj Bhi Us Say Sacha Pyar Hai ......

Kya Us ko Mera Itna He Intezar Hai Jitna Mujhe Us Pe Itebar Hai

Us ke khamoshi mujh ko ab mar datey hai ..........

Dil Bolta Hai Mujh Say , Key Tu Aaj Bhi Wohi Sawal kar

Jis Ka Mujhe Aaj Bhi Intezar Hai ..........

kuch kehna tha......

2009-11-13T21:00:00.000-08:00

Kuch kehna tha, usy bhi aur mujhe bhi

Us ne ye chaha mien kuch kahon,meri yeh zid ke baat wo kare.

Yehi sochty sochty zamane beet gaye,

Na us ki ana tooti, Aur na meri zid

Us ki ana faseel thi, toh meri bhi chattan,

Ana aur zid ke issi tazad mein,

Safer-E-Zindgi youn hi rawa raha.

Waqt kat-ta raha, dard barhta raha,

Aur safer ikhte-tam ko ponhcha

Ikhte-tam e safer ye raha.

“Meri ankhon meinhalki si nami ,

Aur shayed us ki zindgi mein thori si kami.

Us ki ana shikast khurda,

Aur meri zid reza reza

ye he zindagi hai...

2009-11-12T21:04:00.000-08:00

Khusiyon ke mausam hou yaa gam ke saaye,

jeena he padta hai..

agar apna dil tut bhi jaaye

tou kuch apno ka dil rakhna he padta hai..

aankhon mae hou gam ka sailaab,

yaa phir dhadkane ruki hou kisi ke intezaar mae,

mehfillo mae kuch apno ke liye

muskurahat ka nakaab oudna he padta hai..

jeene ke liye naa rah jaaye jab koi wajha,

tou kisi ko wajha dene ke liye jeena he padta hai..

kabhi kabhi kuch apno ke liye jee ke marte hai,

tou kabhi marke bhi jeena padta hai..

ye he zindagi hai...

kudh cahaye daali se tute pattae he kyon naa hou..

kisi apne ke diye ki lou ko har tufaan se bachana he padta hai..

aur kabhi kudh jalkar kisi ki andheri zindagi ko roshan karna he padta hai..

Teri yaad pahele aa jaati hai..

2009-11-11T21:02:00.000-08:00

Tere bina ye zindagi suni-suni si lagti hai..

har khusiya tere bina adhoori si lagti hai..

door hoke bhi tu mere paas rahta hai..

kabhi ehsaas tou kabhi shabd banke meri nazmo mae rahta hai..

akelepan mae tujhko, kudhmae mahsoos karti hoo..

bahte hai ashk meri aankhon se,

aaj bhi tujhsae bahut pyaar karti hoo..

chup-chap teri mohabbat ka intezaar karti hoo..

jin raho par ab tera chalna mushkil hai,

unhi raho par tera intezaar karti hoo..

teri yaadon ka aalam kuch es tarha hai,

ki saans tou phir bhi waqt leti hai aane mae,teri yaad pahele aa jaati hai..

Kash Tum Kabhi Do Kadam Hi Badaate

2009-11-10T21:17:00.001-08:00

Humhare Toh Har Alfaaz Mein Hota Tha Pyaar

Kash Tum Do Labz Hi Keh Paate

Bich Humaare Hoti Thi Kitni Baatein

Kash Tum Kuch Ka Matlab Bhi Samaz Paate

Tumhein Baaton Hi Baato Mein

Har Baat Keh Jaate ;

Kisi Ka Tum Kash Dard Hi Jaan Jaate

Kitne Bahano Se Kiya Izhaar

Khi Bas Tum Ikraar Hi Kar Paate

"hum To Thein Tayaar Chalne Ko Puri Zindagi;

Kash Tum Kabhi Do Kadam Hi Badaate

Bhool ja kasme

2009-11-09T20:54:00.000-08:00

Bhool ja kasme, tod de waade,

na badle kisine yahan iraade.

Husn bhi jhootha, pyar bhi jhootha,

Wafa bhi joothi, yaar bhi jootha,

Rahi ye duniya uski hokar,

Maar de duniya jisko thokar...

Kuchh kaho na !

2009-11-08T22:02:00.000-08:00

Sau janam ka saath apna,

Sans ka dhadkan se jaise,

Aas ka jeevan se jaise,

Kaise kate saal solah,

Shyam ki jogan ke jaise.

Jhoot ke parde na dhoondo,

Sach kaho na .

Kuchh kaho na ..

Ek dooje ke liye ham,

Haath main kangan ke jaise,

Pyaas main sawan ke jaise,

Roop ko darpan ke jaise,

Bhakt ko bhag_van ke jaise.

Jheel si simtee na baitho,

Kuchh baho na .

Kuchh kaho na ..

Jaanati hoon thak gaye ho,

Umr ke lambe safar se,

Saanp se dasate shahar se,

Aas se aur aansuon se,

Bheed ke gahare bhawanar se.

Waqt firata hai suno,

Itna daro na .

Kuchh kaho na ..

Kis tarah ladate rahe ho,

Pyaas se parchhaiyon se,

Neend se , angadaiyon se,

Maut se aur zindagi se,

Teej se ,tanahaiyon se.

Sab tapasya tod dalo,

Ab saho na

Kuchh kaho na !!

Syaah sannaton main hamane,

Umr katee hai tanhaa,

Tang aur andhi surangen,

Is gufaa se us gufaa.

Saans thi sahami hui si,

Dhadakanon ko ek darr,

Itnaa tanhaa aur lambaa,

Zindgi ka uff safar.

Door meelon door jalate ,

Lau koi lagate ho tum ,

Tum ho,tum ho,Tum hi tum ho ,

Ho naa tum, tum, ho naa tum.

Pal se pal tak jee rahe hain,

Tum hi pal pal aas ho na,

Ek pal to aur thaharo ,

Ek pal dikhate raho na .

Kuchh kaho na !!

Dil Mei Kisi ko Jarur Rakhna

2009-11-06T03:06:00.000-08:00

Apne is dil ko pyar se

mehfooz mat rakhna

Ghar me tumhare

Koi rahe ya na rahe

Par dil me kisi ko

Jaroor rakhana

Vakt ka kya hai

Tip tip kar ke baras jayega

Din ka kya hai

Dhire dhire pighal jayega

Jindgi to yuhi chalti rahegi

Arzoo koi ho na ho

Dil mai justzoo

Jaroor rakhana

Lafz juban se gir kar

Pal bhar me bikhar jayenge

Arma hontho ko chhu kar

Jane kahan kidhar jayenge

Khab yuhi ankho me aate rahege

Par Har khwab ko

dil ke Rubroo

jaroor rakhana

Apne is dil ko pyar se

mehfooz mat rakhna

Sabse Chupake Dard

2009-11-05T21:26:00.001-08:00

Sab Se Chupa Kar Dard, Woh Jo Muskura Diya

Us Ki Hansi Ne Aaj To Mujh Rula Diya,

Lehje Se Uth Raha Tha, Har ik Dard Ka Dhuaan

Chehra Bata Raha Tha Ke Kuch Ganwa Diya,

Awaz Mein Thihrao Tha, Aankhoon Mein Nami Thi

Aur Keh Raha Tha Ke Mein Ne Sab Kuch Bhula Diya,

Jane Kiya Us Ko, Logon Se Thi Shikayatein

Tanhaiyon Ke Dais Mein Khud Ko Basa Diya,

Khud Bhi Woh Hum Se Bichar Kar, Adhura Sa Ho Gaya

Mujh Ko Bhi itne Logon Mein Tanha Bana Diya,

Sab Se Chupa Kar Dard, Woh Jo Muskura Diya

Us Ki Hansi Ne Aaj To Mujh Rula Diya.

Ruki Ruki Si Thami Thami Si

2009-11-04T21:08:00.001-08:00

Ruki ruki si thami thami si , thi meri yeh zindagi..

Jeeti thi main bas yuhin , khud ki parwah nahi thi..

Jhoom kar aayi kuch aisi hawaein , dil churakar chali gayi..

Sochti rahi main, dhundti rahi main , neendein meri khogai..

Tha who ajnabi kuch aisa.. jo mujhse mujhko chura gaya..

Seedhi saadhi si zindagi mein meri hazaron rang bhargaya..

Badal gayi main , meri saari duniya hi badal gayi..

Khabar rahi na kisiki , main to usmein kahin kho gai ..

Saanson mein mere sarmagaya , khwaabon ko who sajagaya ..

Kabhi hasaya aur kabhi dil ko mere woh dhadkagaya..

Tha woh ek hawa ke jhoke jaisa..

Rehta hai dil mein mere, nahi hai koi uske jaisa..

Aaye to hasata hai , jaaye to rulaata hai..

Aate jaate mujhe woh dewaana kar jaata hai..

Baaton mein uski hai phoolon si taazgi , jo saanson ko mehkaati hai..

Adayen hai uski badi jadugaari , jo mujhe bada tadpaati hai..

Saath mere rehta hai harpal , aankhon mein chupa baitha hai..

Bhehkaata hai mujhe woh , aur wahi sambhaal jaata hai..

Armaan hai to bas itna ke ek baar phir who aajaye..

Thaam kar mere haath woh , saath apne mujhe le jaaye

Dard se daaman chhuDaakar

2009-11-03T21:06:00.000-08:00

Dard se daaman chhuDaakar

Dil ye naadaan hai ummeed liye baithaa hai

Vo na aayenge magar aas liye baithaa hai

Unke vaade pe thaa aitbaar ye naadaani thee

Ashk peene kee ye ik pyaas liye baithaa hai

====================================

Dard se daaman chhuDaakar jaayenge ab ham kahaan

Kyaa kare ye dil bechaaraa rooth jaaye jab jahaan

Kisne dekhee hai kaheen dil kee sulagti aarzoo

Aag jo ismen lagee hai kyaa chhupegaa ye dhuaan

Muskaraa kar jeet lenge zindagee ke gham sabhee

Bah na jaaye aansuon men hasraton kaa aashiyaan

Aapse ummeed kar hamne baDee hee bhool kee

Aapse hee chal rahaa hai DhaDkano kaa kaarvaan

Zindagee kee bheeD men mushkil se miltaa dil koyee

Door hokar bhee hamen lagtaa hai vo ik meharbaan

Dil ne maangaa to nahee thaa aapse kuchh bhee magar

Aapne kitnee banaadeen do dilon men dooriyaan

"SHAYAD KABHI MILO TUM"

2009-11-02T21:01:00.000-08:00

Ik veham tha ye dil mein,

Shayad kabhi milo tum.

Kuch der ruk ke puchon,

Betey dinon ka mosam.

Awaz mein ho larzish

Aankhon mein ik tajassus

Mazi ka koi lamha

Shayad atak gaya ho

Sub bhul ke bhi shayad

Kuch yaad agaya ho

Phir main tumhain bataon

Apni khushi ki bateen

Har dukh chupa ke dil mein

Aasudgi ki batein

Wo chand chodween ka

Taroonbhari vo ratein

Wo pyar ka tasawer

Aur bandagi ki batein

Woh roz roz marna

Aur zindagi ki bateen

Tum dukh e muskurao

Aur dheray se pass aao

Phir mein bhi muskuraon

Aur dil ke diey bujhaon

Lehraon apney ji main

Ik talkh si hakeekat

Ik khawab zindagi ka

Haan omer bhar jo dekha

Kabhi hosaka na pura

Yuhi reh gaya adhoora

Mujh Se khafa Ho ke

2009-11-01T21:31:00.000-08:00

Mujh se khafa ho ke chup chaap sa beth jata hai

Khud bhi jalta hai mujhey bhi saath jalata hai

Us ko manatey hoye mein khud hi rooth jayun to

Phir merey paas aa ke raat bhar mujhey manata hai

Khud hi sawal kar ke khud hi jawab deta hai

Phir merey seeney se lag ke khud hi gungunata hai

Us ek pal ke sadqey mein meri to her khushi qurbaan

Jab wo sher kehtey hoye dheerey se muskurata hai

Subh ka sitara lagta hai zindagi se piyara lagta hai

Meri bahon mein aatey hoye jab wo bohut sharmata hai

Meri yaad ke mausam ko palkon pe sajaye rakhta hai

Beetey hoye her pal ki khabar mil kar mujhey batata hai

Merey bagher kesey guzri us ki kal ki raat

Us ki aankh ka phela kajal saari kahani sunata hai

Is shehar ke sawan mein barish ki raat jab aati hai

Be ikhtiyaar hi ek shakhs yaad bohut aa jata hai

Mein us ke naam ki nisbat se mooatbar hun apni zaat mein

Merey kahayl ka her ek saaz geet usi ke gata hai....!!

Tum Bura Maan gaye

2009-10-31T04:23:00.000-07:00

Nazron se Nazrein mili to Bura Maan gaye

Hum ne Aankhon se Ishara kiya to Bura Maan gaye

Baat Baat per Muskurana Unki Aadat thi,

Zara sa Hum ne jo Hansaya to Bura Maan gaye

Hamein Aazmane ki Baat karte thay Aksar,

Jab Hum ne Aazmaya to Bura Maan gaye

Pyaar mein Be-Wafai na karna Wo Kehte thay,

Isi Baat ko Hum ne Dohraya to Bura Maan gaye

Chand !

2009-10-30T21:56:00.001-07:00

Chand mere ru ba ru hai !

Baaho.n mai.n bhar loo.n ki uske ,

Haath thaame jhoom loo.n mai.n ,

Balo.n se kheloo.n zaraa yaa -

Hoth uske choom loo.n mai.n

. . . . . . Sau tarh ki aarzu hai !

Daag par gardan ke uski ,

Nazar bahake betahaashaa,

Kandho.n ke dhalo.n ko kisne ,

Sangemarmar mai.n taraashaa .

. . . . Meethi mad_hoshi ki boo hai !

Seep mai.n moti si aankai.n,

Gaalo.n par surkhi hayaa ki ,

Hoth tharrate ki , hichaki ,

Dar ki bundo.n se chamkati .

. . . . . Jaisa sochaa hu ba hu hai !

Aankho.n mai.n uski hoo.n Jaise ,

Khwaab mai.n koi diwaanaa ,

Dhun pe uski dhadakano.n ke ,

Geet hoo.n koi puraana ,

. . . . Jwaar jaisa ek junoon hai !

Aye sakhi saajan?

2009-10-29T22:24:00.001-07:00

Lipat lipat kay wa-kay soyee,

Chhaati say chhaati lagakay royee,

Daant say daant bajay to taada.

Aye sakhi saajan? Na sakhi jaada!

Cuddled up in his arms she slept,Bosoms pressed against each other, she sobbed,When the teeth started clattering, she saw.

Was it the beloved? No my dear.Winter!

Oonchi ataari palang bichhayo,

Main soyi meray sir par aayo;

Khul gayin ankhiyan bhayi anand,

Aye sakhi saajan? Na sakhi Chand!

Had my bed on the roof top,and was off to sleep, when he came;Could not sleep any further, it was such a pleasure.

Was it the beloved? No dear, it was moon!

Woh aaye tab shaadi hovay,

Us bin dooja aur na koye;

Meethay laagen wa ke bol.

Aye sakhi saajan? Na sakhi dhol!

One can't get married without it,There is no one like him/it;And he/it sounds so sweet.

Is it the beloved? No dear, the drum (for singing).

Aap hilay aur moye hilaaye,

Wa ka hilna moye mun bhaye;

Hil hil kay woh huva nasankha.

Aye sakhi saajan? Na sakhi pankha!

It shakes itself, and shakes me too, The shaking really pleases me;It has become so frail by continuosly shaking.

Is it the beloved? No dear, a fan!

Sagri raen chhatiyan par raakha,

Roop rang sab wa ka chaakha;

Bhor bhaee jab diya utaar.

Aye sakhi saajan? Na sakhi haar.

Kept him on my bosom the entire night,And tasted his various flavours thoroughly;At dawn, I removed him.

You mean the beloved? No dear, necklace!

Padi thi main achaanak chadh aayo,

Jab utryo to paseeno aayo,

Sehem gayi nahin saki pukaar,

Aye sakhi saajan? Na sakhi, bukhaar!

I was lying when he suddenly came and climbed upon me,I was perspiring, when he got off; Terrified, I could not scream.

Was it the beloved? No dear, it was fever!

Sej padi moray aankhon aaya,

Daal sej mohay majaa dikhaya,

Kis say kahun ab maja main apna.

Aye sakhi saajan? Na sakhi, Sapna!

I was lying on the bed, when he appeared in my eyes,Oh, he let me have such fun on the bed, Who should I tell my fun now.

Was it the beloved? No dear, a dream!

Bakhat bakhat moye wa ki aas,

raat dina oo rahat mo paas;

Meray man ko sab karat hay kaam.

Aye sakhi saajan? na sakhi, Ram!

Each moment I long for him;day and night he remains with me,and does what my heart asks him to do.

Is it the beloved? No my dear, its Ram!

Raat Chandni Mein

2009-10-28T22:11:00.000-07:00

Raat chandni mein bheegte hue tumhein sochne lagi

Madhoshi chaa gai ajab pagal dil ka haal ho gaya

Taaron se karne lagi teri baatein kuch aisi ke

Asmaan bhi teri haseen yaadon mein kho gaya

Jugnoo se khailne lagi chand ki narm kirnon mein

Thandi meethi hawa gungunane lagi mausam suhana ho gaya

Phir khayalon hi khayalon mein sang tere ho kar

Falak ke daaman mein so gayi asman bhi chup ho gaya

Dekhlo yeh pagli teri kaisi hai yeh deewani teri

Yaadon mein tumhein dhoondhe jab jag saara so gaya...

Beti Paraya Dhan

2009-10-27T22:12:00.001-07:00

Yeh duniyaa ki reet Sada se chali hai aai..

Beti praya dhan, kal kisi aur ke ghar jai..

Moh na laga babul aapni betiya se itana…

Jab Jai aangan chhod, tohe rula kar jai..

Itana kahe ko tutat hai jawat dekh ooke…

chhod ke tor aangan kahi aur ghar basaye jai..

Hash ke Vidaa kariya, aashirwad deva ladali ko..

Taaki aage oohar zindagi khusiyoo se bhar jai..!!

[oohar = uski ( her )]

Are moh naa laga beetiya se itana tu babul..

Raghukul se hi yeh reet hai sada chali aai

Beti praya dhan, kal kisi aur ke ghar jai..

Mai Aur Dil

2009-10-26T22:27:00.001-07:00

"Maine kaha wo ajnabi hai"

"Dil ne kaha yeh dil lagi hai"

"Maine kaha wo sapna hai"

"Dil ne kaha phir bhi apna hai"

"Maine kaha wo do pal ki mulaqat hai"

"Dil ne kaha wo sadyon ka sath hai"

"Maine kaha wo mere haar hai"

"Dil ne kaha yehi to pyar hai"

Ye Dua Hai Meri Rab Se

2009-10-25T22:33:00.000-07:00

Tu khush rahe ke tujhe khwaahishai.n ho sab haasil,

Har ek saans duaa kar rahaa gharib kaa dil

Mai.n apni mufalisi mai.n kaise tujhko le aataa,

Tu kohenoor thi shahao.n ke taj ke kaabil.

Kisi ko pyaar karu.n to jahaane jannat du.n,

Kyon apani bebasi main usko bhi karu.n shaamil

Har ek shaakh , har ik sheh tujhi se pyaar kare,

Ki naam bhi naa mera yaad kare teraa dil

Tere naseeb ke kaante khudaa mujhe de de,

Teri fateh ho mile khud ba khud tujhe manzil.

Ho teri paak nigaaho.n mai.n dhoop si tezi,

Nazar mile to kare aafataab bhi jhilmil

Naa teri aankh mai.n aansoo kabhi bhi chhalake,

Naa teri rah main aaye kabhi koi mushkil.

Chhuye naa dhool ka zarra bhi tere daaman ko,

Tere qadam se pighal jaaye har pahaad ka dil.

Mai.n saans loo.n to khoon surkh ho teraa,

Teraa hai tera hi rahegaa is habeeb ka dil.

kuch kaho na

2009-10-24T03:50:00.001-07:00

Sau janam ka saath apna,

Sans ka dhadkan se jaise,

Aas ka jeevan se jaise,

Kaise kate saal solah,

Shyam ki jogan ke jaise.

Jhoot ke parde na dhoondo,

Sach kaho na .

Kuchh kaho na ..

Ek dooje ke liye ham,

Haath main kangan ke jaise,

Pyaas main sawan ke jaise,

Roop ko darpan ke jaise,

Bhakt ko bhag_van ke jaise.

Jheel si simtee na baitho,

Kuchh baho na .

Kuchh kaho na ..

Jaanata hoon thak gayee ho,

Umr ke lambe safar se,

Saanp se dasate shahar se,

Aas se aur aansuon se,

Bheed ke gahare bhawanar se.

Waqt firata hai suno,

Itna daro na .

Kuchh kaho na ..

Kis tarah ladatee rahi ho,

Pyaas se parchhaiyon se,

Neend se , angadaiyon se,

Maut se aur zindagi se,

Teej se ,tanahaiyon se.

Sab tapasya tod dalo,

Ab saho na

Kuchh kaho na !!

Ham Tere Hai Sanam

2009-10-23T22:13:00.000-07:00

Bina Soche-Samjhe Khud Ko Tujhe Soup Diya Hai,

Teri Baatton Ne Mujhe Diwana Kiya Hai,

Vishwas Ki Ek Doori Bandhi Hai Tujhse,

Ise Kabhi Tootne Na Dena Chahe Ham Roothe Ya Tum Rootho Hamse,

Dil Ki Dhadkan Tumko Banaya Hai,

Aapni Aankhon Ke Har Khawab Me Maine Tumko Basaya Hai,

Saath Mera Dena Tum Har Kadam Pe,

Kasam Hai Kabhi Na Saath Tujhse Chhotega Iss Janam Me,

Bhari Mehfil Me Apni Mohabbat Ka Ijhar Kiy Hai,

Haan Ye Sach Hai Maine Tujhse Pyar Kiya Hai,

Aabhi To Tujhe Sirf Dil Diya Hai,

Waada Hai Apna Sab Kuch Tujpe Luta Denge,

Tujhe Har Gamm Se Rakhenge Door ,

Aur Apni Har Khushi Tere Naam Likhwa Denge,

Aaya Jo Kabhi Mouka Tujhse Aalag Hone Ka

Mar Jayenge Par Aakhri Saans Tak Teri Baaho Ki Hi Jannat Payenge,

Beshak Choot Jaye Jag Saara Tujhe Har Keemat Par Apna Banayenge,

Tera Rishta Zindagi Hai Meri Phir Bata Kaise Ham Tujhe Bhula Payenge,

Ham Tere Hai Sanam Aur Waada Hai Aakhri

Saans Tak Tere Hi Hokar Marjayenge.

$ Sirf or sirf apke liye....$

2009-10-22T21:37:00.000-07:00

Kisi Ne puchha Dost Kya Hai ?

Maine Kanto Par Chal Kar Bata Diya.

Kitna Pyar Karoge Dost Ko?

Maine Pura Aasman Dikha Diya.

Kaise Rakhoge Dost Ko?

Maine Halke Se Phoolon Ko Sehla Diya.

Kisi Ki Nazar Lag Gayi To ?

Maine Palkon Mein Us Ko Chhupa Liya.

Jaan Se Bhi Pyara Dost Kise Kehte Ho ?

Maine Aapka Naam Bata Diya

Achchha Nahi Lagtaa....

2009-10-21T22:24:00.000-07:00

Suno Acha Nahi Lagta

Kay Koi Doosra Daikhay

Tumhari Sharbati Aankhain

Lab-o-Rukhsaar Aur Palkain

Siyah Lambi Ghanee Zulfain

Saharay Doosra Koi

Mujhay Acha Nahi Lagta

Suno Acha Nahi Lagta

Karay Jab Tazkara Koi

Karay Jab Tabsara Koi

Tumhari Zaat Ko Khoojay

Tumhari Baat Ko Soochay

Mujhay Acha Nahi Lagta

Suno Acha Nahi Lagta

Tumhari Muskurahat Per

Hazaroon Loag Martay Hoon

Tumhari Aik Aahat Par

Hazaroon Dil Dharaktay Hoon

Kise Ka Tum Pe Yuun Marna

Mujhay Acha Nahi Lagta

Suno Acha Nahi Lagta

Hawa Guzray Tumhain Choo Kar

Na Hoga Zabt Yeh Mujhsay

Karayy Koi Tumsay Gustakhi

Tumhari Zulfain Bikhar Ja-ain

Tumharay Lams Pi Ja-ain

Mujhay Acha Nahi Lagta

Suno Acha Nahi Lagta

Kay Tum Ko Phool Bhi Dakhain

Tumharay Paas Say Mehkain

Ya Chanda Ki Guzarish Hoo

Kay Apni Roshni Bakhshoon

Rukh-e-Jana Koi Daikhay

Mujhay Acha Nahi Lagta

Ek Jaam Mohbbat kaa

2009-10-20T22:23:00.001-07:00

Ek Jaam Mohbbat kaa Aankho se pilaa dena

Mujhe Aaj nahi’n shaQi tu kal bhulaa dena

Jab Zikr mohabbat ka mehfil meiN aa jaye

Nazare jhuka ker tum aapna ikrar jataa dena

Tere ishq se mehmaa haiN, yeh meri duniya

Thukara ker mujhe tum kafiir na banaa dena

Jab dard judai ka tumhe bhi lage satanee

Meri tarah tum bhi AshQ naa baha dena

Pass jab tu aati haiN,kheel sa jata mausam

Bin uske jiiyu ek pal bhi,rab aisa na banaa dena

IshQ ke rahooN maiN gar wafa na nibha saka

Tu mout se badh kar mujhe koi aur sazaa dena

Teri ek pal ki bhi judai naa ab seh payege oMi

Meri khawabo se jakar mujhe shayar na banaa dena

Barishoun k Mousam Main

2009-10-19T21:23:00.001-07:00

Barishoun k mousam main

dil ki sar zamen par

gard kion bikharti hai?

es tarha k mousam main

phool keun nahi khiltay?

loog keun nahi miltay?

kion faqat ye tanhai saath saath rehti hai?

kion bicharne walon ki yaad saath rehti hai?

itni taiz barish se dil k aainay par se

Aqs kion nahi dhulte?

zakhm keun nahi mit'tay?

neend kion nahi aati?

barishoun k mousam main aankhain kion barasti hain?

ashk kion nahi thamtay?

subha kion nahi hoti?

raat keun nahi dhalti....

Mujhe Mana Lo!!!!!!!!!

2009-10-18T21:57:00.000-07:00

Main thak gayee hoon janam

kandhon pe daale kab se

beetey dinon ki yaden

tumhari rah guzar mein

gumsum khari huee hoon

ik aas si hai dil ko

palto ge tum kabhi tou

lekin ay mere janam

tumse meri taraf tak

jitne bhi raaste hain

woh badgumanion ke

kanton se bharr chuke hain

kanton mein meri khatir

koi raasta bana lo

bass ab mujhe “Mana lo …!!"

koi to hota????...

2009-10-17T22:40:00.001-07:00

Main jis kay dil ki kitab banta

Main jis ki chahat ka khawab banta

Main hijar mosam ki lambi raaton main yaad

Ban kar azaab banta

Koi to hota?

Jo meri khwaish main uth kar raaton ko khoob rota

Dukhon ki chadar lapait kar hajoom duniya say door hota

Main rooth jaata manata mujh ko kay chahe mera kasoor hota

Koi to hota?

Jo mujh ko dil ka karar kehta

Ragoo ka apni fishar kehta

Udaas mosam main tazgi ki biyar ban kar

Jo meri bahoon ko arzoo ka diyar kehta

Koi to hota?

Dua say apni jo dukh bhi meray samait leta

Woh iss jahan say ghamon ka meray hisab leta

Woh sari duniya ki rafaqaton kay tamam rishtay

Koi to hota?

Main jis kay itna qareeb hota

Na paas koi raqeeb hota

Main tanha uss ka habbib hota

Yeh silsila bhi ajeeb hota

Koi to hota?

!! Pholon Ko Seene Se

2009-10-16T22:11:00.000-07:00

Pholon Ko Daman Me Sabhi Saja Lete Hai

Lekin Kanto Ko Daman Me Sajata Hai Koi Koi

Yuh To Raho Me Musaffir Sabhi Ban Jate Hai

Bhatak Jaye To Rasta Dikhata Hai Koi Koi

Jindagi Rehte Khushiya To Sabhi Lutate Hai

Lekin Kisi Ki Mout Par Mattam Mannata Hai Koi Koi

Yuh To Pyar Me Mar Mitne Ki Bate Sabhi Kiya Karte Hai

Aur Aa Jaye Ajmane Par ‘RAMU’ To Nibhata Hai Koi Koi

Ijazat ho kuchh likh de

2009-10-15T22:19:00.000-07:00

Ijazat ho kuchh likh de,

Apne lafjo ko kavita bhara mod de.

Dua hai buraiyo ko achchhaiyo ke liye chhor de,

Dekhe kon si raah pr hai manzil aur

Sapno ko houslon se jod de.

Itna pyar de Zindagi ko ki

Nafrate zindagi ki rahe chhor de

Shahadat hogi yadi galtiyon ka ikrara hoga,

Hamari baton pr bhi etbar hoga,

Apni tamannae kismat ko soup de.

Ijazat ho kuchh likh de,

Apne lafjo ko kavita bhara mod de....

Masoom Mohabbat ka

2009-10-14T21:51:00.000-07:00

Masoom Mohabbat ka bas itna sa fasana hain

kagaz ki haveli hain baarish ka zamana hain

Kya shart e mohabbat hain kya shart e zamana hain

Awaaz bhi zakhmi hain aur geet bhi gana hain

Uss paar utarne ki umeed bhi kam hain

Kashti bhi purani hain aur tufaan ko bhi aana hain

Samjhe ya na samjhe woh andaaz mohabbat ke

Ek shakhs ko aankhon se ek sher sunana hain

Bholi si ada fir koi aaj ishq ki zid par hain

Phir aaj ka dariya hain aur dhoob kar jaana hain

^ YaADoN kA RiSHtA ^

2009-10-13T21:34:00.000-07:00

Aaya Nazar Wahi Hume Achaiyoun Ke Sath

Ek Umr Jiski Guzri Hai Ruswaiyoun Ke Sath

Iss Se Bhool Kar Bhi Naa Kijiye Dosti

Rakhta Ho Dushmani Jo Sage Bhai Ke Sath

Hai inme Ab Toh Sirf Talouq Qiyaal Ka

Hui Kahan Hai Shadiya Shahnaiyoun Ke Sath

Dushman Hua Hai Koi Toh Dushman Hua Wo Kyun

Soncha Ye Aap Ne Kabhi Sachiyoun Ke Sath

Rishta Hai Mera Dil Ka Jo Yaadoun Ke Sath

Rishta Wahi Hai Dard Purwaiyoun Ke Sath

Chalti Humari Sath Hai Parchaiyaan Kahan

Hum Qud Hi Chalte Rehte Hai Parchaiyoun Ke Sath

Dekhna Toh Unhe Hai Koi Zaroor

Hum Khel Khelte Hain Jo Tanhiyoun Ke Sath

* MOHABBAT KI THI *

2009-10-12T22:26:00.001-07:00

Haan Men Ne Bhi Mohabbat Ki Thi

Do Din Zinda Rehne Ki Chahat Ki Thi

Phir Hua Yun Ke Qismat Apni Rooth Gaye

Jab Se Mene Teri Ibaadat Ki Thi

Un Se Kiya Gila Jis Se Chaahe Wo Milain

Hun Kab Kisi Se Adaawat Ki Thi

Wo Tou Bas Baatoun Men Mohabbat Kerta Tha

Mager Men Tou Dil-o-jaan Se Mohabbat Ki Thi

Kuch Aur Zindagi Baaqi Thi Shaayad

Jab Tum Ne Aakhri Innayat Ki Thi

Us Ko Aur Koi Mil Gaya Tha Shayad

Mager Men Ne Tou Ik Baar Mohabbat Ki Thi.

Hamein Ye Duniya Parayi Si Lagti Hai...

2009-10-11T22:10:00.000-07:00

Ab toh ujala bhi paraya lagta hai

Jab se ham andhere ke agosh me kho gaye hain

Itne zakhm khaye hain is dil ne

Ki ab toh har dushman apna sa lagta hai

Ab toh har dost paraya lagta hai

Jab se dushmano se atoot rishte bandh gaye hain

Itne dukh dekhe hain is dil ne

Ki ab toh har gam pyara sa lagta hai

Ab toh sari khushiya parayi lagti hain

Jab se gam is zindgi ke mehmaan huye hain

Itne rang khoye hain is zindgi se hamne

Ki ab toh zindgi berang hi achhi lagti hai

Ab toh har lamha, har katra, har ummeed parayi lagti hai

Jab se is hamara saaya hamse rootha hua hai

Hamein ye duniya parayi si lagti hai

Toot Jaane Ko

2009-10-10T22:11:00.000-07:00

Ek baar tujhse haar jaane ko ...

Jee to chahta hai, tujhe apna banana ko !!!

Tum jo milte the kabhi shirf hasane ko ..

Par yaad ab teri aati hai… bus rulane ko !!!

Dard dekh ke hamare sab u haste hai dekho..

Kee mazboor ho jaata hoo zakham chupane ko !!!

Aap to apne ho hamare.. Rooth jao.. mana looga mai..

Door jao… to bhee wapas bula looga mai…

Aqsh apna dekh kar mujhme mushkura do ek baar…

Aaina to hota hee hai dost.. ek din toot jaane ko !!

Aisa hi hota hai…

2009-10-09T22:02:00.000-07:00

Aisa hi hota hai…

K jisko jitna sambhalo..

Utna hi door chala woh jata hai !

Yakeen naa aaye ek bar bhi,

Lekin aisa wakyaa bhi hota hai…

Rota hai koi tootkar tanhai mein,

Phir bhi duniya mein woh hasta hai …

Lagta hai jaise mitai thi hasti,

Sab jaise ab haara hua sa lagta hai ..

Jaane kitne wade liye-diye,

Chhootne pe sab bojhil sa dikhta hai…

Aisa hi hota hai..

K jisko jitna sambhalo,

Utna hi door chala woh jata hai!

De jata hai sirf kuch ehsaas,

Phir sab kuch pehle sa hota hai.....

Karta hai kuch shikwa-shikayat,

Dil, lekin phir se shamil duniya hota hai..

Naa thamegi uski zindagi,

Naa yahan kuch rukta sa dikhta hai…

Malum hai tum sambhal jaaoge,

Dard toh sirf khone ka ek shayar ko milta hai ….!!!!!!!

MOHABBAT WHO BARISH HAI

2009-10-08T21:41:00.001-07:00

~BARASTI RAHI SAAWAN KI GHATTA~

Ajnabi yeh raat hai

bheega bheega sa yeh mausum

lamha lamha choo rahi thi sard hawaaein

tanha tanha lag raha tha apna saya

waqt ka chupchaap nangey panv chalna

aankhon mein thi judai ki baarish

Aansoon ne hai sataya is tarah

Zindagi barsaat bankar bikhar gaye

baarish mein bheega maan

woh baarish ki boondey

boondo ka uski yaad se

rishta zaroor tha

boondein giri phool per

aankh mein bhi aanson aa gaye

phool usko pasand they

aksar Boondon Ko Haathon

Mein Samet Lena shayed

Baarish Bhi usey Pasand thi

aasmaan bhi aaj roya tha

chand mein bhi thi jhalak uski

Bikhri huyi thi uski chandni

per andhera aaj kuchh badla huwa tha

kya chand bhi aaj roya tha

Nahi to achaanak aasman yoon na barasta

aankhone bhi keh diyaa hai

yaad na usko kiya karoon humse ab roya nahin jaata

Dard Kya Hota Hai Bataenge Kisi Roz!

2009-10-07T21:59:00.000-07:00

Dard kya hota hai bataenge kisi roz!

Dard kya hota hai bataenge kisi roz

Kamaal ki ghazal tumko sunaenge kisi roz

Thi unki zid ke main jaon unko manane

mujhko ye weham tha wo bulaenge kisi roz

Us rab ki qasam maine to socha bhi nahi tha

Wo itna mere dil ko dukhaenge kisi roz

Har roz aaine se yehi poochta hoon main

Kya rukhsar pe tabassum bhi sajaenge kisi roz

Urde do in parindon ko Azaad fiza mein

Gar honge Tumhare to palat aenge kisi roz

Nazar Nahi Aata..

2009-10-06T22:19:00.001-07:00

Sitaro se bhara aasman magar aftaab nazar nahi aata,

Phoolon se bhari mehfil mein koi gulaab nazar nahi aata,

Khwab to dekhti hai ankhen roz naye,

Jiski tabeer ho mumkin aisa khwab nazar nahi aata,

Ab to nazron ki sharam bhi baqi na rahi,

Kisi chehre pe sharmo haya ka naqab nazar nahi aata..

Mujhe Bus Itni Se Dua Do!

2009-10-05T21:47:00.000-07:00

Woh sarey khat jala do,

Woh sari baaten bhula doo,

Woh andekhey anjane sapney,

Dil key kisi koney mein chupa do,

Jis ney hamein mayus kiya,

Woh sari umeidein mita doo,

Raat abhi buhat baqi hai,

Raat ke andhere ko mita doo,

Koi rota hoga ab bhi tanha,

Usey ja key yeh baat bhi batla doo,

Socha tha tumhein kabhi apna bananey kaa,

Woh sarey sapney ko ab duwaaan dooo,

Aaj raat buhat zoron ki barsaat hai,

Aankhon key rastey Aansooon ko baha doo,

Saat dekhey the jo sapney sab chur huye,

Tum kabhi yaad naa Aao mujhey bas itni si dua doo!!

$ Koi yaad ata hai bahot.......$

2009-10-04T22:22:00.000-07:00

koi yaad mujhko aaya hai bahot,

sukoon maine dil ka gavaya hai bahot...

main waqif hun hakikat se teri ,

tujhe zindagi ne azmaya hai bahot...

hansi aur bhi hai zamane mein lekin,

teri saadgi ne mujhko bhakaya hai bahot...

judai ka meri sabab ye hai sirf,

yadon ne meri usko sataya hai bahot...

koi bhi gam hum par karta nahin asar,

tere gam ko maine uthaya hai bahot...

kabhi khush jo mera dil hona jo chaha,

teri yadon ne phir mujhe rulaya hai bahot...

Tumhe Zid Hai ke ....................................

2009-10-03T03:49:00.000-07:00

Tumhe Zid hai ke mai keh doon,

mujhe zid hai ke tum keh do,

" Mujhe Tum Se Mohabbat Hai"

Kaho, mujh se mohabbat hai.......

Nahi yeh jaante dono,

Mohabbat kab mohtaaj hai,

lafzon ki,

baaton ki,

Mohabbat to hamari dharkanon ke saaz mai shamil,

sureeley geet ki manind,

Mohabbat yaad ki devi,

Jo tanha raat ko aksar,

Aati hai aankhon mai,

Mohabbat soch ki gehraiyon se phoot`ti khushboo,

hamesha saath rehti hai,

magar phir bhi, naa jane kiyu,

Tumhe Zid hai ke mai keh doon,

mujhe zid hai ke tum keh do,

" Mujhe Tum Se Mohabbat Hai"

Kaho, mujh se mohabbat hai.......

Aisa hi hota hai…

2009-10-02T21:37:00.000-07:00

Aisa hi hota hai…

K jisko jitna sambhalo..

Utna hi door chala woh jata hai !

Yakeen naa aaye ek bar bhi,

Lekin aisa wakyaa bhi hota hai…

Rota hai koi tootkar tanhai mein,

Phir bhi duniya mein woh hasta hai …

Lagta hai jaise mitai thi hasti,

Sab jaise ab haara hua sa lagta hai ..

Jaane kitne wade liye-diye,

Chhootne pe sab bojhil sa dikhta hai…

Aisa hi hota hai..

K jisko jitna sambhalo,

Utna hi door chala woh jata hai!

De jata hai sirf kuch ehsaas,

Phir sab kuch pehle sa hota hai.....

Karta hai kuch shikwa-shikayat,

Dil, lekin phir se shamil duniya hota hai..

Naa thamegi uski zindagi,

Naa yahan kuch rukta sa dikhta hai…

Malum hai tum sambhal jaaoge,

Dard toh sirf khone ka ek shayar ko milta hai ….!!!!!!!

Yadein Bhi Hain kuch Aisi

2009-10-01T21:54:00.000-07:00

yadein bhi hain kuch aisi

tere naam se wabasta

har subha ho jaise

har shaam se wabasta

bas tere tasawwur se fursat nahi milti

rehti hain teri yadein

har saans se wabasta

laakhon hain tamannain

par ye meri dua hai

bas naam rahe tera

mere naam se wabasta

~Do PYase Dil~

2009-09-30T22:05:00.000-07:00

Do pyase dil aik huwe hain aise

Bichare ge ab kaise

Tum pyaar mujhye karte hi rahna

Sari umar tum aise

Ek douje main kho jate hain

Nadiya sagar jaise

Tuj se hay yeh zindgani

Tuj se hay jiwan kahani

Tuj se hay sanj aur sawera

Sathi kabhi tu na ruthe

Rasmon ki diwaar tutye

Tutye na bahoon ka ghira

Mere sanam teri kasam

Tuj se hay wahda yeh mera

Aise raheen ge

nain aur nindea jaise

Qadmon tale har khushi hay

Kitni haseen zindagi hay

Jiwan yunhi beet jaye

Aankhon k tu roeberoe hay

Dekhon jidhar tu hi tu hay

Tuj bin nazar kuch na aye

Hay zindagi humain kabhi

Zamana judaa kar na paye

Aise raheen ge

phool aur khushbo jaise

Sapne our haqeeqat

2009-09-29T21:34:00.000-07:00

Mujhko ye haqeeqat se door le jatay hain

Kabhi to ye sapne jeene ka maksad ban jatay hain

Par jab is kaanch pe lagti hai kabhi thokar

Bikharta hai sab kuch mera hoti hoon main dar badar

Aur jis pal is sheeshe main surat aati hai sanam ki

Us pal na intiha hoti hai khushi ki

Ek raat to hogi aisi jo ban jayegi haqeeqat

Us raat ke intizar mein main baithi hoon abhi tak

Ki Sirf Tumse Hi Pyaar Hai...........

2009-09-28T21:30:00.001-07:00

Hakikat hai ya afsanaa, kuchh nahi jaante hum…

HITLER pe lo aa ruka hai is dil ka yeh safar,

manzil thi saamne par hum the bekhabar,

thi HITLER ke dil pe kabse yeh nazar,

khamosh mohobbat aakhir kar aayi aasaar,

HUM ko to kab se yeh ikraar hai...

HUM ko to SIRF HITLER SE PYAAR HAI...

Dil ke darwaze bandh the to dastak di,

tum aa gaye leke chahat ki har khushi,

dil aaj se hamara ghar hua hai tumhara,

woh hua pehle jo na hua,

Haan........ is ghadi ka intezaar tha humko,

aao hum de ek dua zara TUMKO,

"Ki Rakhe Door Khuda Tumse Duniya Ke Har Gham Ko"

HUM Ko To Kabse Yeh Ikraar Hai...

Ki Sirf Tumse Hi Pyaar Hai...

Ki Sirf HITLER se Pyaar Hai...

Sab kuch hai pass hamare

2009-09-27T23:06:00.000-07:00

Sab kuch hai pass hamare

Fir bhi kuch intezaar aaj bhi hai

Dekh chuke hain sabkuch magar

tere didaar ka intezaar aaj bhi hai

Tanhaai nahi par akelepan ka ehsaas sa kyoun hai

Har muskuraahat me gam ka ehsaas sa kyoun hai

milke baaten karne ki tamanna bahot thi

Halak me atakti hui si wo baat ruki aaj bhi hai

Socha tha jab milenge raah chalte kabhi

dil ki baaten juban par na aane denge

hamne lab khole bhi nahi aur wo sab jaan gaye

khaamoshiyon ko samazne ki wo adaa unme aaj bhi hai..

Maine Bhi Kissi Se Pyar Kiya Hain.....................

2009-09-26T03:47:00.001-07:00

Agar har chehre mein uska chehra nazar aata hain,

agar har baatoon par uska naam leta hu,

agar isse pyar kehte hain toh haan,

maine bhi kissi se pyar kiya hain.........

agar kisike intezaar karne mein samay nahin dekhate,

agar uski aane par dil jhoom uttha hain,

agar isse pyar kehte hain toh haan,

maine bhi kissi se pyar kiya hain......

agar kisike door jane ke baad unki yaad satati hain,

agar sab ke saat rehte hue bhi akele mehsoos kartein hain,

agar isse pyar kehte hain toh haan,

maine bhi kissi se pyar kiya hain.....

khud mein khud baatein karna,

har pyare se gaane par sirf hum dono ka nazar aana,

agar isse pyar kehte hain toh haan,

maine bhi kissi se pyar kiya hain…

agar uski dil mein pyar ki koyi jaga nahin,

phir bhi uski pyar ki intezaar karna,

agar isse pyar kehte hain to haan

maine bhi kissi se pyar kiya hain…

Socha Tha…………….

2009-09-25T22:08:00.000-07:00

Socha Tha…………….,

Kabhi toh yeh phool khilenge…

Kabhi toh sare rang chalkenge…

Kabhi toh bahar ayegi…

aur unme lehrati hui khusi ayegi…

…………par ho naa sakaa,

Socha Tha…………….,

Kuch sapne pure honge…

Kuch apne saath honge…

aur unme Kuch khusi ki ehsaas bhi honge….

…………par ho naa sakaa,

Socha Tha…………….,

Yeh ashoon akhhon main hii rahenge…

aur yeh saans'en dhadkan main hin rahenge…..

…………………par ho naa sakaa,

Haan…. na ho sakaa……naa ho sakka dil ki hasrat puri…

Aur ab badh rahi hain…. woh ehsanson ki dooori…..

Sir jhukaney Ki Aadat Nahi Rahi

2009-09-24T21:31:00.000-07:00

Sir jhukaney ki aadat nahi rahi

Ansoo bahaney ki aadat nahi rahi

Hum kho gaye to pachtao gay bohat

Hamari laut ke aaney ki aadat nahi rahi

Tere dar pe mohabbat ke sawali ban jatey

Lekin hath phelaney ki aadat nahi rahi

Teri yaadein humko aziz hain bohat

Magar waqt ganwaney ki aadat nahi rahi

Tum sakhat dil nikley kya gilla karein hum

Shikwa-e-dil lab pe laney ki aadat nahi rahi

Bad'dua bhi kya karein haq mein tumhare

Humein to dil bhi dukhaney ki aadat nahi rahi......

JO DIL MAIN HAI KEHDO JAANA

2009-09-23T21:22:00.001-07:00

Kyun shab bhar jaagte rehte ho

Kyun chup chup phirte rehte ho

Kyun sapne bunte rehte ho

Kyun Dil main hanste rehte ho

Kyun bekal bekal phirte ho

Kyun ulajh rahe ho yaadon se

Kyun bahel rahe ho baaton se

jo baat hai Dil main woh kehdo

Kyun tum iqraar nahi karte

Kya tum mujhe se Pyaar nahi karte

Poem

Dil Mera Jalaane ki Zaroorat kya Thi

Na Main Heer, Na Tu Hai Ranjha

Ohna Sade Pathar Wi Jadho Mareya

Mujhe Aaj Bhi Kissi ka Intezar Hai

Woh Milta Tha Roz Hanste Hoe Hum Se

Aaj Jaane Kii Zid Na Karo

Sardiyon Ki Raat

Woh..........

Chalo Ek Baar Phir Say Ajnabi ho Ja'ain hum dono

Chiraag kisii ne jalaa diyaa

Ashk Girte hain to

kisi ki Ankh Say Sapnay Chura kar kuch Nahin Milta

Na Janay Aankho Say kaya Pilati Ho Tum

Ye To Moti Hain Mere Pyaar ko Sajaane K liye

Tera Hone Laga Hu

Mujhey Aaj Bhi Kisi Ka Intezar Ha

kuch kehna tha......

ye he zindagi hai...

Teri yaad pahele aa jaati hai..

Kash Tum Kabhi Do Kadam Hi Badaate

Bhool ja kasme

Kuchh kaho na !

Dil Mei Kisi ko Jarur Rakhna

Sabse Chupake Dard

Ruki Ruki Si Thami Thami Si

Dard se daaman chhuDaakar

"SHAYAD KABHI MILO TUM"

Mujh Se khafa Ho ke

Tum Bura Maan gaye

Chand !

Aye sakhi saajan?

Raat Chandni Mein

Beti Paraya Dhan

Mai Aur Dil

Ye Dua Hai Meri Rab Se

kuch kaho na

Ham Tere Hai Sanam

$ Sirf or sirf apke liye....$

Achchha Nahi Lagtaa....

Ek Jaam Mohbbat kaa

Barishoun k Mousam Main

Mujhe Mana Lo!!!!!!!!!

koi to hota????...

!! Pholon Ko Seene Se

Ijazat ho kuchh likh de

Masoom Mohabbat ka

**^** YaADoN kA RiSHtA **^**

*** MOHABBAT KI THI ***

Hamein Ye Duniya Parayi Si Lagti Hai...

Toot Jaane Ko

Aisa hi hota hai…

MOHABBAT WHO BARISH HAI

Dard Kya Hota Hai Bataenge Kisi Roz!

Nazar Nahi Aata..

Mujhe Bus Itni Se Dua Do!

$ Koi yaad ata hai bahot.......$

Tumhe Zid Hai ke ....................................

Aisa hi hota hai…

Yadein Bhi Hain kuch Aisi

~*Do PYase Dil*~

Sapne our haqeeqat

Ki Sirf Tumse Hi Pyaar Hai...........

Sab kuch hai pass hamare

Maine Bhi Kissi Se Pyar Kiya Hain.....................

Socha Tha…………….

Sir jhukaney Ki Aadat Nahi Rahi

JO DIL MAIN HAI KEHDO JAANA

^ YaADoN kA RiSHtA ^

* MOHABBAT KI THI *

~Do PYase Dil~